Lombardia Granda

El concett de Lombardia Granda/Lombardia storega, ciovè quell de la vera Lombardia, propagandad dal noster moeuvement, cont l’eredità el testimon da l’omonema sosciazzion, el revarda in bona sostanza tuta l’improeupriament ciamada Mezzanocc de la Republega Itajana (cont ona serie de territori irredencc), che la gh’ha ona soa prescisa fisionomia che la ghe deferenzia da l’Itaja etnega e dal rest de l’Oeuropa.

La Padania o la Zisalpina a l’è ona resgion de crosevia caratterizada in manera globala da ona geografia subcontinentala (mìa peninsolera), da on clima submediterrani temperad (manch che l’area ligura), da ona conformazzion alpino-padana che la gh mèt a metà strada tra el Mediterrani e l’Oeuropa scentrala; d’on punt de viduda etnegh, i granlombarcc inn fioeui de la fameja indoeuropea italo-zeltega (Ligur, Zelcc, Venecc, Gai) cont di influenze mediterranee e sgermaneghe; d’on punt de viduda lenghistegh inn part al ram de Sira di lengue romanze, a deferenza de l’Itaja in quest aspett chi a l’è romanza de Matena, in manera segnada gallo-romanz (zisalpin); culturalment i se scriven denter in quell anell de sgiontà tra Oeuropa de Mezzdì e continent in sul che l’è faita su la nostra midema storia, a cavajer tra la romanità e el zelto-sgermanesem: el spazzi carolinsg.

Tusscoss quell che el revarda da arent la sfera proeupriament ciamada biolosgega (in del sens antropolosgegh e sgenetegh) di volgherment ciamacc tajan de Mezzanocc, che d’on punt de viduda fisegh i presenten on aspett despess mitteloeuropee (che el voeur mìa dì per forza sgermanegh, ghe tegni a prescisà) e d’on punt de viduda sgenetegh i se distanzien da L’Itaja del Scenter e de Mezzdì grazzia a la masgiora eredità mesolitega, indoeuropea e nordega. E a l’assenza di componente esoteghe recente. Quest el disom senza ona quai de venadura discriminatoria, che el sibia ciar.

Desgià che el parlà di padan o de zisalpin – termen che a bon cunt inn tollerabei -, o pesg an’mò di tajan de Mezzanocc el voeur dì el perder de viduda la squisita accezzion etnega che la ne revarda d’aproeuv, num preferissom indegà i indisgen de la Lombardia storega coma granlombarcc, cont el ciamà defacc “Lombardia Granda” tuta l’inscì ciamada Olta Itaja. “Lombardia Granda” che l’è on etnonem inoeuvativ ed effettiv, ma che el gh’ha mìa de destoeu l’atenzion da on fait fondamental: La Lombardia a l’è MIA la resgion artifizziala de la republega de Roma, la Lombardia a l’è l’intregh spazzi geografegh e storegh, identiter, padano-alpin. A vesser sintetegh.

Gh’en è anca on quai de territori marsgenai che el poeudaress vegnì voltra forzad el ciamai (gran)lombarcc, ma desgià che apò lor inn part integranta del continuum alpino-padan, italo-zeltegh (che el voeur dì proto-zeltegh/zelto-ligur, venetegh, protovillanoeuvian, gallegh) e gallo-romanz zisalpin, i poeuden mìa vesser tegnud foeura; me referissi a la Liguria e a la Romagna storeghe, ai lagune venete, a la Venezzia-Sgiulia, bande che coma olter lavor inn poeugh o per nagota interessade da la dominazzion langobarda, che l’ha lassad el nom a la Nazzion lombarda.

Ghe saressen poeu anca olter ambecc coma quell nissard, valdostan, tiroles del Mezzdì ed isontino-istrian che inn mìa ciapacc denter in d’on genuvin descor granlombard, desgià che inn popolacc da consistente menoranze forestere; nepunemanch quelle aree gliò inn part del spazzi geografegh alpino-padan e d’on punt de viduda storegh pruma de la vegnuda di menoranze sorascitade, el popolament a l’era zisalpin, poo romanizad.

I confin de quest areal granlombard chi che el poeudaress vesser partasgiad in d’on troncon de Sira ed on troncon de Matena, inn i Alp a Mezzanocc, i Alp e el fium Var a Sira, l’Appennin lombard (renforzad da la linea lenghistega Massa-Senigallia) e el fium Misa a Mezzdì, i Alp, el torrent Eneo e el Quarner a Matena.

De foeura de la Lombardia etnega, sgiamò passada in rassegna, i fann part donca de la Lombardia Granda: el Nissard, Monte Carlo, Liguria/Zenesad, la Lunesana, l’Emija de Matena, la Romagna, San Marin, l’Ager Gallicus, el Venet, el Trentin, el Tirol de Mezzdì, el Friul, la Venezzia-Sgiulia storega (quella d’incoeu insema al Gorizzian, el Litoral, el Cars, on toch de la Carniola de Denter, l’Istria e Fiume).

On dait cultural interessant a l’è quell representad da la considerevola presenza in sul territori di Cros medievai panlombarde, ciovè quella del San Sgiorsg (guelfa) e quella del San Giovan Battista (ghibellina), impiegade coma stemm comunai; la precipua a l’è la pruma, simbol del comun de Milan – nostra capitala – e de la Liga Lombarda, e anca de Zena e de la soa andega Republega, ma degna de nota a l’è apò la seconda, emblema militer del Sacher Roman Imper che l’haveva inglobad el Ream d’Itaja medieval post-langobard (fondamentalment la Padania e la Toscana) e ancasì ben simbol de la soa capitala Pavia, sgiamò precipov scenter politegh de la Langobardia Maior. Per scità i prinscipai zità granlombarde che i gh’hann quist stemm chi, regoeurdom: Milan, Bologna, Zena e poo Imperia, Ivreja, Arba, Noeuv, Aich, Lissandria, Bobbi, Versei, Vares, Lech, Mantova, Res, Padoa, Remin (Cros del San Sgiorsg); Pavia, Susa, Osta, el Mondovì, Coni, Ast, Novara, Lugan, Dom, Com, Bormi, Fidenza, Visenza, Trevis, Castelo, Ceneda, Forlì, (Cros del San Giovan Battista).

El tema del scud crosad, de la di color, a l’è a bon cunt spantegad fess in de la Pianura Padana. A l’è important però el cromatism gianco-ross, tipegament alpino-padan, contramètud al sgialdo-ross mediterrani de orisgen romana. El Bisson a l’è inscambi on squisit emblema de la Lombardia etnega, el simbol pussee orisginal del popol lombard, che el poeud vesser projetad in del panorama zisalpin insema a l’Agla imperiala a reechesgià mìa domà el domini di Visconcc ma anca i segur ligam cont l’Oeuropa del Scenter, coeur d’Oeuropa che el poeud ciapà denter senza problem la nostra Nazzion a nivell de sciviltà.

El nucli de l’azzion moeuvementistega de Nazzion Lombarda a l’è, el se capess, la Lombardia etnega, ma coma el se capess apò dal noster midem nom, voeurom slargà la propaganda anca a l’areal granlombard individuad, desgià che anca lu a l’è part de la Lombardia in de la soa accezzion storega slargada. L’obiettiv lombardista priscipal a l’è defait quell de defender, promoeuver e tramandà el rettasg etno-cultural e ambiental che i caratterizen i terre natie, al fin de fass baluarcc de tute i caratteristeghe prinscipale de l’identità e de la tradizzion de la Lombardia Granda. L’esist nissuna fameja nazzionala faita su dai retoregh fradei d’Itaja dai Alp a la Siscilia, donca gh’hem el drizz e el dovè de autoaffermass e de battess per la salvavardia del sangh, del soeul e del spiret di Lombardie, anca per dà finalment ona dimension politega unitaria a la comunità zisalpina. Far etnonazzionalista per l’Oeuropa intrega.

Retegnom che el descor merament ministrativ el sibia donca seconder e che la Lombardia Granda la poeudaress vesser partasgiada in do subresgion, voeuna granlombarda de Sira (zelto-ligura e proeupriament lombarda, “gallo-italega”, a nivell lenghistegh) ed ona granlombarda de Matena (reto-venetega cont di influenze mittel), naciuralment tacade insema dai comune radiz galleghe, gallo-romane, langobarde e lombarde in del sens medieval. La nostra distinzion canonega la resta a bon cunt quella tra la Lombardia etnega e la Lombardia Granda, cont ona lombardità etnolenghistega intermedia, in del nom del sentiment zisalpin che l’è volan di resgion de la sosciazzion “Nazzion Lombarda”.

A bon cunt, a l’è inscì che partasgiarem d’on punt de viduda ministrativ l’areal etno-cultural granlombard, cont el doperà el midem metod cantonal, doperad a soa voeulta anca per la Lombardia etnega.

Lombardia Subalpina (in sgiald)

• Turin cont Ivreja, Pinaroeul, Susa e Osta.
• Coni cont Arba, el Mondovì e Saluzz.
• Lissandria cont Ast ed Aich.

Lombardia Zispadana (in ross)

• Parma cont Fidenza e Fiorenzoeula.
• Modna cont Res e Cherp.
• Piasenza cont Voghera e Tortona.

Lombardia Transpadana de Sira (in azur)

• Milan (capitala) cont Busti Grandi, Monscia, Lod e Pavia.
• Com cont Lech, Lugan e Vares.
• Novara cont Versei, Biela, Varall ed Avgevan.
• Locarn cont Dom, Intra e Bellinzona.

Lombardia Transpadana de Matena (in verd)

• Bressa cont Rovad, Desenzan, Darf e Riva.
• Berghem cont Crema, Cluson e Zogn.
• Cremona cont Mantova, Ghed e Casalmasgior.

Lombardia Ligura (in marron)

• Zena cont Sanna, Rapall, Aspezzia e Massa.
• Nissa cont San Roeumo e Imperia.

Lombardia Romagnoeula (in naranz)

• Bologna cont Iomla, Frara e Cmacc.
• Ravena cont Cisena e Forlì.
• Remin cont Pèsre.

Lombardia Retega (in bloeu)

• Trent cont Cavales e Cliès.
• Bolzan cont Maran, Porsenon, Bornegh e Solaneres.

Lombardia Veneta (in roeusa)

• Venezzia cont Ciosa, Padoa, Treviso e Rovigo.
• Visenza cont Bassan e Schio.
• Verona cont Bussolengo, Legnago e Villafranca.
• Bellun cont Pièe, Conejano e Castelo

Lombardia Sgiuliana (in gris)

• Trieste cont Pola e Frume.
• Gorizzia cont Aidussina e Tolmin.
• Udin cont Scividad, Glemone, Sarvignan e Tomiezz.
• Pordenon, cont Manià e Puart.

Coma el se poeud capì dai cartine, hem scercad de fà su di confin razzionai che i poeudan mèter insema l’aspett geografegh (che l’è mìa on’opinion) cont quell etnolenghistegh e cultural (che de voeulte a l’è sossen controvers), cont el vessess fidacc al prum criteri gliò indova el serviva el delimetà el territori cont prescision, e a l’è el cas del confin tra la Lombardia etnega/Lombardia Granda e i bande extra-lombarde. Quest a l’è stait fait su in del sens sia de ciapà denter che de tegnì foeura e defacc poeudee verifegà che i gh’inn apò di territori che incoeu d’on punt de viduda ministrativ inn sota i resgion de Mezzanocc de la Republega Itajana, o a bon cunt per on quai de aspecc d’on punt de viduda storegh, granlombarcc, i sibien staicc tegnud foeura, del franch perchè d’on punt de viduda geografegh inn part di oltre (macro-)resgion geografeghe d’Oeuropa.