Viduda del Mond (Weltanschauung)

A partì dal prinzipi che la reson umana e el metod scientifegh inn i strumencc mejor per toeu ona cognoeussenza e comprension de la realtà fisega, la pussee oggettiva possibel (razzionalism), hem vardad e analizad la naciura per scercà de capin pussee i manere de lavor e fà su inscì quella che l’è la nostra Weltanschauung.

La biologia la fa vidè che el fin de tucc i vesser vivencc a l’è el massemizà in del longh termen la trasmission di sgen, el pussee possibel vesitt ai so: coma tucc i olter i vesser vivencc, de segur num sem mìa foeura de quest obietiv chi.

Desgià che el trend evolutiv ciapad el n’ha menad in de la categoria di nimai sosciai, a l’è evident che di prospettive sosciale dirisgiude a satisfà domà i busogn del vunegh, coma l’egoism, l’opportunism e l’edonism, i porten de segur a grevissem situazzion de crisis sosciala, o i in di pesgior cas, al borlà sgiò total de ona soscietà.

L’evidenza empirega l’ha defait demostrad che se in d’on contest espansiv inn i comportamencc competitiv che in sgeneral i favorissen el sucess e el develup di species, in di contest mìa espansiv (coma quei ai che notre sem ruvacc, despoeu che hem anca superad la capascità de l’ecostistema de sostegnin) inn i comportamencc co-oeuvrativ che in sgeneral i favorissen el sucess.

Inscì, on sistema soscial-politegh (ciovè on sistema de regolazzion de la vita d’ona comunità) bon de ciapà el fin de trasmission di sgen el pussee possibel, el gh’ha de vesser basad in sul prinzipi de co-oeuvrazzion e solidarietà e in sul mèter al scenter di so obietiv l’interess de la comunità intrega.

Nepunemanch, l’obietiv de trasmission di sgen el pussee possibel vesitt ai so, l’implega on olter punt fondamental: pussee granda l’è la diversgenza sgenetega di partezipancc ad ona comunità, pussee grand a l’è el stimol per i partezipancc pussee vesitt in tra de lor, a s’cepà i ligam de solidarietà e co-oeuvrazzion per fà su ona comunità noeuva o anca per spensger apò i olter al comportass in manera oportunistega.

El gh’è inscì donca, ona sorta de scambi che el mèt in dubi el cosa el saress, in termegn assolud, el mejor grad de slargament de la co-oeuvrazzion.

D’on punt de viduda merament biologegh, i analisis sgenetegh i fann pensà che la sgiusta manera de agregass soscial per l’om la saria quella de la subspecies.

In de la realtà i gh’inn nepunemanch di olter variabei da ciapà in considerazzion, desgià che num sem mìa domà i informazzion sgeneteghe che gh’havem, ma anca l’ambient indova vivom e i informazzion mìa sgeneteghe (lengua, storia, cultura ecc.) che gh’hem, in manera collettiva ,ineredetad de la nostra soscietà. Anca se l’è important el tegnì semper a ment che apò a nivel de subspecies i resten on quai de evidente deferenze fiseghe e sgeneteghe.

La nostra identità a l’è inscì l’insema de etnia, territori e cultura, independentement da i entità ministrative che i ne revarden al di d’incoeu.

Cont el mèter l’interess de la Nazzion (intenduda coma rosc de persone mètude insema de la midema etnia, lengua, cultura, territori e storia) coma obietiv fondamental e sgeneral di atività del setor publegh, e che la considera l’etniscità coma element prinzipal che la fa su la comunità nazzionala, etniscità che la poeud mìa vesser trascurada, a l’è sossen ciar che el nazzionalism etnegh a l’è la mejora Viduda del Mond per garantì el soraviver de la nostra identità

El gh’havress de vesser ovvi, ma l’è necessari prescisà che la defensa de la nostra identità a l’è mìa sinonem del voeurè destrugà quelle di olter o de retegnille inferiore a la nostra: el respet de la biodiversità el poeud vessegh domà se la mantegnom, cont el combater l’imigrazzion, el metissasg e la soscietà multirazziala.

In conclusion, poeudom dì che la nostra Vision del Mond (Weltanschauung) a l’è ona forma de nazzionalism etnegh che el vegn foeura da l’analisis razzionalistega de la realtà e che la poeudaria donca vesser ciamada “nazzionalism etnegh razzional” (in manera pussee corta coma “etno-razzionalism”).

Metafisega

On coverent razzionalism el gh’ha de refusà in manera firema tute i relison e i olter surogacc metafisegh per espigà quell che el se capess mìa, senza per quest pestà la sensibelità spiretuala indisgena coerenta cont la tradizzion ereditada dai pader.

In del vintvunesem secol, el gh’havress de vesser ciar che i varie metafiseghe inn staite l’illusori frut de l’incapascità de l’om de dà on’espigazzion a fenomen che i vegniven voltra coma iresonevoi, quand che doperacc per indagà la realtà. Ona greva falla de la reson losgega che despoeu la s’è evoluda in d’on’ottema manera de controll soscial e in d’on’ottema lesgitemazzion del sfrutà i ced pussee deboi.

Nepunemanch poeudom recognoeusser che i verità de scienza inn mìa i inscì ciamade verità de fed e che in quest sens chi gh’hem mìa di problem ad acetà la libertà de cult individuala a patt che la sibia compatibela cont la naciura etnega granlombarda e che la representa mìa ona menassa a la segurezza e a la stabelità de la Nazzion.

La nostra critega l’è adressada soratut al monoteism abramitegh in purezza, ver e proeupi assolutism precursor de la ditadura del penser vunegh mondialista, che in qualità de corp estrani d’orisgen semitega l’ha deviad l’Oeuropa cont tuta ona serie de idee aliene al noster continent, despess cont el pervertì i dotrine filosofeghe autoctone. Per reson storeghe e culturale el gh’è a bon cunt on filon del catolicesem, el rit ambroeusian che l’è on prodott del spiret local, impiegnid de ech gallegh e donca meritevol de atenzion.

I vunegh strumencc che poeuden garantì la fin di superstizziose circovenzion ai dagn de l’umanità inn el spantegà la vera informazzion scientifega e el develup del sens critegh, ciovè l’indagassion filosofega a tut camp. El se capess, donca che i noster strai i se punten in manera particolera in su la concezzion metafisega apolida e/o aliena sposada da l’universalism, cont tute i soe nefaste consequenze. Pensom a cosa l’è incoeu la Gesa de Roma ad esempi. L’istess el var ancan’mò per l’ateism e el laicism de tip marxista.

Naciuralment, el refusà di varie declinazzion de la metafisega coma metod de desamena realista el ciapa mìa denter el refusà automategh anca de quei che inn on quai di so prodocc, che al di d’incoeu i representen inscambi on element de deferenziazzion culturala, coma l’art, la literadura e i tradizzion culturale oeuropee, segnatament d’orisgena sgentila ma apò cristiana, se emendada dal so sostrat levantin.

Fameja

Cont el fin de garantì la soravivenza de la nostra identità a l’è indispensabel l’atuà on recovrà ed on repristinà del fondamental institud soscial de la fameja naciurala, basada in sul raport monogam tra om e fomna e in sui prinscipi de fidelità, respett e solidarietà.

Quest recovrà chi el sarà nepunemanch possibel domà quand che el sarà revidud l’atual rol indeferenziad de l’om e de la fomna, cont el fin de repristinà i rol selezzionacc de la naciura per i midem.

La fameja naciurala la gh’ha donca de vesser el focus d’on’oeuvra de sensibelizazzion adressada a la resoluzzion a la radiz de tut i problem che inn adree a compromèter el funzionà, coma l’individualism, el femminism e l’omofilia.

Stait e Drezz

El poeudè soran el gh’havress de vesser del Popol cont el vunegh limet de respetà el grand fin de la massemizazzion de l’interess collettiv de la Nazzion. Inscì, el gh’ha mìa de vesser el Stait a lesgitemà lu midem, ma la Nazzion a lesgitemà el Stait.

I informazzion fallade e i numeros bias cognitiv de l’intellet uman i mèten la democrazzia a grand ris’c de de falliment per via di gabole di ment pussee frasgele de banda d’on quai de oportunis’cc.

Quest punt chi el ne fa de notre critegh in su l’oportunità de tegnì universal l’eletorad ativ e passiv: coma l’è considerad necessari l’havegh scerte cognoeussenze ed ona consolidada etega per poeudè fà ona profession qualifegada, inscì el gh’havress de vesser considerad necessari che chi el dirisg la res publica el sibia bon de fall in manera sgiusta e adeguada.

A nivel de forma de stait, num credom che ona republega federala la saress la mejora soluzzion per segurà ona bona governabelità e on sgiust nivel de autonomia di prinzipai realtà etnego-culturai del pajes.

Per quell che el revarda el segnà i tri poeudè fondamentai del stait, l’ordenament ideal el gh’havress de adotà el nett partasg di poeudè tipegh del stait de drezz.

In di detai el poeudè esecutiv el gh’havress de vesser segnad ad on president vodad in manera dreta dai zitaditt cont sistem masgioriter a dobi turn.

El poeudè lesgislativ el saress inscambi vodad de ona vunega assemblea parlamentera, federala, vodada in manera dreta dai zitaditt cont sistem proporzional.

El poeudè sgiudezzier el saress de fin dait ad ona cort suprema vodada anca lee in manera dreta dai zitaditt cont sistema proporzional.

Economia, Mercad e Politega economega

La cressuda economega mìa limetada, obietiv fondamental de l’economia moderna capitalista per la pupart di economis’cc, a l’è in palesa contradizzion cont i lesg fondamentai de la naciura desgià che a l’è impossibel el cresser in manera infornida in d’on pianeta dai dimension fornide.

El sistema individualistegh capitalista l’è poo on sistema de bon insgiust che l’ha portad al cumulà de la larghissema porzion de la richezza in di magn di poeughissem, cosa che a soa voeulta l’ha permètud el develup d’ona soscietà desgenerada a nivel moral, che l’ha tassad el consumism esasperad, che l’ha menad al destrugà di importancc ecosistem e de significativ elemencc de biodiversità ecc. e che el portarà in del medi-longh termen a grevissem problem de stabelità sosciala, politega, economega e ambientala.

El vunegh sistema soscioeconomegh e a l’istessa manera etegh e sostenibel in del longh period l’è de consequenza el comunitarism, prezziosissem strument del soscialism declinad in sens nazzional e identiter: on sistema che el se basa in su la solidarietà e la collaborazzion tra i so member e mìa in su la competizzion tra de lor, in sul ben de la comunità e mìa domà in su de quaivun de lor, in sul mejorà de la qualità de la vita e mìa in su el vegnì pussee olt di transazzion commersciai, in su la simbiosis cont la naciura e mìa in sul tentativ effimer de domini in su de lee ecc.

Poeu che el mudà di prinscipi etegh, l’implementazzion del comunitarism el gh’harà de passà travers ona curada reforma del mercad: in particoler a l’è necessari el blocà el cumulà di richezze in di magn di poeughissem cont el fermà la speculazzion finanziera internazzionala cont l’abolizzion d’on quai de strumencc finanzier (coma i derivacc), cont l’equiparà la tassazzion in su i rendite finanziere a quella in sul redit da lavor e cont l’inserì i strumencc redistributiv che i poeudan consentì a tucc de esprimer i proeuprie capascità.

A l’istessa manera, la saress sgiusta ona reforma del sistema moneder che el poeuda strepà la soranità monedera ai bancher internazzionai e che el poeuda reconsegnalla al voeurè de la Nazzion.

In fin, a l’è indispensabel l’inserì l’equità e la sgiustizzia in del sistema tributer cont l’adozzion d’ona tassazzion basada in su l’effettiva capascità contributiva e in sul criteri fondamental del “chi el polluta el paga”.

Politegh sosciai e Lavor

In d’on pianeta dai dimension fornide e semper pussee sorapopolad, el resulta coma prum lavor de basilera importanza l’adozzion di adeguade mesure de controll de la nassuda che i puntan al mantegnì d’on equilibri sosciopolitegh a nivel mondial.

El segutant vegnì su de la speranza de vita el rend indispensabel la reorganizazzion de la previdenza sosciala: mìa domà ona reforma del sistema pensionistegh in su criteri reai de necessità e de merit, ma el vegn necessari anca el consentì el passasg gradual a la pension travers la possibelità de convertì i contracc de lavor a temp impiegnid in contracc de lavor a temp parzial, in part defiscalizacc, ona voeulta ruvacc ad ona determinada età.

Per quell che el revarda el mercad del lavor, l’evidenza empirega la ne fa vidè che i sussidi de desocupazzion sossen olt, olt nivei de sindacalizazzion ed eccessiv ostacoi a la scircolazzion di lavorador i fann nagot olter che redusì l’efficienza del mercad del lavor cont el premià domà i fanigotitt: a l’è necessari donca el liberalizan el funzionà cont el mantegnì, el se capess, sgiust i necesser controi in su la soa efficienza.

Politega interna, segurità e sgiustizzia

In de l’ottega de massimizazzion del benvesser collettiv, el gh’ha de vesser tutafait garantid quell che l’è vun di busogn primer de l’om: la segurezza.

Tut i comportamencc che i vann a danesà o a mèter in pericol el singol e la soscietà, cont el minà la segurezza individuala e collettiva, i gh’hann donca de vesser prontament descovricc e punicc da di efficiencc orghen de polizzia e de sgiustizzia.

L’obietiv final de quist orghen chi a l’è de consequenza el garantì el desincentiv a la violazzion di regole, la certezza e l’adeguatezza de la pena, el resarcì i dagn e la efficienta reeducazzion de chi l’ha sbajad (anca cont i lavor forzacc).

A l’è ciar che per consentì el ruvà a quest important travard chi, gh’hem el busogn di struture burocrateghe semplese e snelle, insema ad ona lesgislazzion ciara e severa che in del cas di crimen particolerment grev e inutelità/impossibelità de la reeducazzion, el previda l’aplegazzion de la pena capitala. Quest chi el saress soratut el cas de chi in manera delibera el danesa, l’angaria e el tradess la comunità nazzionala.

Particolera atenzion, coma olter lavor, la gh’ha de vesser daita a la lotta a tute i forme de criminalità organizada che minen a la bas la convivenza scivila, coma la mafia, el terrorism e la massoneria.

Politega forestera e defensa

De foeura i menasse interne, la segurezza de la comunità nazzionala la gh’ha de vesser garantida anca da di eventuai aggression de foeura, travers la creazzion d’on servizzi de leva, alternativ al servizzi scivil obligatori (prinzipalment destinad ai tosane) che el poeuda fà la funzion da istituzzion sosciala de suport al develup moral del sgiovin.

Coma olter lavor, per garantì ona salda stabelità politega, sosciala ed economega in d’ona vera Oeuropa di Nazzion, la soluzzion mejora la consist in del develup d’ona salda red di lianze oeuropee che i puntan al ruvà ad ona bona autarchia economega a nivel continental.

In fin a l’è necessari el develupà on’adeguada oeuvra de tegnì contra a la globalizazzion e a l’istaurazzion del noeuv (vegg) orden mondial.

Politegh di giovin e Istruzzion

Ona studiada e corretta educazzion psichega e fisega a l’è ciarament cruciala per on impiegnid develup de la persona e in manera particolera per l’havegh in d’ona manera consapevola on stil de vita san ed equilibrad.

Per questa reson chi a l’è fondamentala ona reforma totala del sistema educativ a partì dal so orghen pussee basiler, ciovè la fameja naciurala fina a quei pussee compless, coma i università e i academie.

In questa ottega chi el saress sgiust el considerà el develup di ulterior istituzzion sosciai che i poeudan impiegnì el voeud lassad dai gese, seminer e oratori, cont el sostituì i innaciurai insegnamencc promoeuvud gliò.

Agricultura e tutela de l’ambient

El develup di masse urbane el comporta on’inevitabela alienazzion che la porta l’om a develupà di assurde astrazzion che i ghe fann creder de vesser estrani al mond rural e ai soe lesg: domà la vita in d’on ambient rural la consent el contatt dirett e costant cont la naciura, necessari per otegnì i virtù de resonevolezza, stabelità emotiva, onor, viriltà, autostima, coeurasg e integrità morala.

Per fà quest a l’è indispensabel el defender la nostra terra, che l’è adree a subì tut i di on furt insostenibel de prezziosissem soeul per ocupal cont residenze, scenter comerersciai , capanon e descareghe al punt che in sossen resgion d’Oeuropa i terren agricoi inn mìa assee ad alimentan i abitancc.

Coma olter lavor, la moderna agricultura basada in sul dovrasg de sostanze de sintesis l’è adree a destrugà la fertilità naciurala del soeul agricol cosa che la compromèt donca la segurezza alimentera di future sgenerazzion.

Per evità de superà el punt de tornà mìa, a l’è fondamental el varà di mesure de tutela del mond rural e di attività agro-silvo-pastorai travers el bloch del consum del soeul, el retorn ad on’agricultura e ad on allevament naturai e sostenibei in del temp e el ruvà ad on’autarchia alimentera almanch del 80%.

E poeu, in del darer secol, la botumazzion senza criteri, el polluzionà da terz mond, la bomba demografega alosgena, cont di consequencc fluss migratori biblegh e la vanzada dilaganta di spescies alosgene dannose, inn adree a trasformà el paradis tant amad dai noster Vegg in d’ona sorta de fogna maleodoranta granda fess.

La vegn donca imperativa la lotta per el salvà la biodiversità che l’è la pussee granda richezza che poeudom eredità ai nostre sgenerazzion, travers el controll e l’eradicazzion di spescies aliene dannose e la cressuda a nivel numeregh di aree destinade a la naciura selvadega.

Politeghe energeteghe

Quell che per el moment el par on problema da poeugh ai pussee, a brev el devegnarà la prinzipala question che l’umanità la gh’harà de frontà: el superament del pich de estrazzion del petroli e el tenent adree pich de estrazzion del gas naciural, i darann defait orisgen ad ona crisis politega ed economega mai viduda pruma.

L’eventuala soluzzion de l’enersgia nucleara a fission a l’è del tut effimera desgià che, de foeura del problem ancan’mò incoeu mìa resolt de la sgestion di scorie, i reserve de urani inn assee sgiust per on quai de desen.

L’ipotizad retorn al carbon proponud da on quai de badee, el poeudaress de segur garantì enersgia per vun secol o anca du, però el gh’havress on impatt ambiental del franch devastant.

La vunega vera soluzzion al problema de l’enersgia a l’è ona combinazzion de develup di foncc d’enersgia renoeuvabei e sostegnibei (mìa semplesement alternative coma i scis’cc botuminos!) e de reduzzion del trasà di ineficienze del consum.

Industria e Servizzi

L’importanza d’on industria sana e robusta in d’on’economia moderna a l’è foeura de discussion, inscì coma l’è ineccepibel che anca i servizzi i gh’havressen de vesser eficiencc. Nepunemanch, l’evidenza che la vegn da l’esperienza la ne insegna che l’è mìa desiderabel el lassà carta gianca ai agencc economegh. Inn necessari donca el corporativism e la nazzionalizazzion, protezzionism e dirisgism, per on’economia scircolera che la poeuda desconfiger el dispotism de la globalizazzion.

Per sanà i paricc cas de falliment del mercad l’è donca crucial el sostegnì cont di vucc miracc e ben consegnacc el setor seconder e quell terzier per fà inscì che i vegnen assistide quelle aziende gliò che i descidan de bandonà la prospettiva del mer profit e del “l’è assee el tirà inanz” per agì in d’ona manera etegament responsabela cont el tegnì adree on percors de segutanta inoeuvazzion in del segn de la sostenibelità (sia ecolosgega che etnega).

Scienza e Rescerca

La rescerca scientifega de bas a l’è senza dubi on element imprescindibel per sostegnì on mejorà de la cognoeussenza e de la qualità de la vita in del temp.

La rescerca la gh’ha donca de vesser in manera adeguada finanziada e sostegnida anca cont di incentiv che i indusan i sgiovin a scernì di percors de studi scientifegh.

Tut quest el sarà però effimer fina a quand che la scienza la poeudarà mìa esprimess in manera libera perchè forzada a tegnì adree ai diktat di lobby de influenza mondialista, che i se fann mìa di problem in del ricattà i scienziacc per garantì la lora posizzion de rendita e per segutà la lora agenda anti-identitera.

Transport

El dovrasg de l’automobel coma prinscipal mezz de trasport in del longh period a l’è mìa sostenibel per i grancc cos’cc enersgetegh, demandacc da quest sistema chi. Descor an’mò pussee marcad el va destinad al setor aeronautegh, che el gh’ha donca ona resa enersgetega ancanmò pesgiora che quell automobelistegh.

El saria necessari donca el desmèter de incentivà cont di foncc publegh i produtor automobilistegh e la costruzzion di dannose autostrade, cont el puntà putost viceversa al develup di eficiencc o modern sistem de trasport publegh basacc in su la red ferroviaria e anca in sul repristinà de la nostra red di canai navigabei cont el fin de redescovrì el trasport fluvial (anca del midem Pò)

Sanità

La salubrità de l’ambient quotidian, de l’alimentazzion e del proeupi stil de vita inn i presuppos’cc a la bas de la salud de ciascheduna persona, e inn anca elemencc per la pupart controllabei dal midem individ: cruciala a l’è l’importanza che la va donca daita a l’oeuvra de educazzion e de sensibelizazzion de tuta la popolazzion, cont el fin de fà capì ai persone che a inn lor i prinscipai responsabei de la proeupria salud.

El gh’havress de vesser pales poeu, che desgià che sem di vesser razzionai, sem de bon contrari al dovrasg e a la legalizazzion di droghe presante e lisgere (ciapad denter el tabach), inscì coma a l’abus de l’alcol. Per parlà mìa del sess promiscov e de la prostituzzion.

Per quell che el revarda inscambi el sistema saniter a l’è tutafait indispensabel che el sibia sgiustament finanziad per garantì l’eficascia e l’efiscienza e che el poeuda consentì ona svelta e semplesa resoluzzion e gestion di prateghe burocrateghe, cont el permèter inscì ona gestion telematega di mideme.

In fin, el razzionalism l’implega, a bon cunt, che la vita la gh’ha de vesser vivuda se degna de vesser vivuda: el resulta de consequenza necessaria la legalizazzion de l’eutanasia, inscì coma la spontanea adozzion d’on quai de mesure eugeneteghe a fin terapeutegh e preventiv (ciapad denter l’abort).